Er Kaupþing að fara á hausinn?

Hér í Svíþjóð er efnahagsástandið á Íslandi mikið í fjölmiðlum um þessar mundir og fólk er með verulegar áhyggjur af því að íslensku bankarnir, einkum þó Kaupþing, séu að fara á hausinn. Við sem teljum okkur málið skylt (af einstærri ættjarðarást) reynum að malda í móinn og bera fyrir okkur þau rök að í versta falli muni íslenska ríkið endurgreiða sænskum sparifjáreigendum ef Kaupthing Bank sökkvi.

Sjálf reyndi ég að róa vinkonu mína með þessum rökum þegar hún var á leiðinni að taka út peninga úr sjóð hjá Kaupthing Bank. Sjóð sem ég hafði bent henni á fyrir einhverjum árum vegna hagstæðra vaxta.

Þegar ég fór að hugsa málið fékk ég smá samviskubit. Því í raun veit ég ekki hvort þetta er satt? Getur einhver ábyrgur aðili upplýst mig (og aðra) um hvaða reglur það eru sem gilda í svona málum. Eru peningar vinkonu minnar á bankareikningum Kaupthing Bank hér í Svíþjóð tryggðir af íslenska ríkinu?

Eða er þetta bara óskhyggja af minni hálfu?

Enn meiri verðbólga í apríl?

Athugasemdir

[Guðný Anna Arnþórsdóttir, 29.3.2008 kl. 13:11]

Mér er sagt að alls eigi sé hætta á slíku. Sel það ekki dýrara en ég keypti það.

[Ásgeir Rúnar Helgason, 29.3.2008 kl. 18:30]

Alsæl Villa og velkomin aftur frá Afríku!

Ég hef heyrt að það sé ríkisábyrgð á lánsfé íslenskra banka erlendis en að það sé bara ákveðin upphæð sem sé tryggð. En eins og Guðný, þá sel ég það ekki dýrara en ég keypti það.

[Steinn Hafliðason, 30.3.2008 kl. 10:36]

Það eru tvær fréttir á Visir.is í dag sem vekja athygli mína. Önnur er um að erlendur aðili telji 50% líkur á að íslensku bankarnir fari á hausinn og hin er að bankarnir hafi grætt allt að 155 milljarða á gengisfalli krónunnar. Þessi fjölmiðlaumfjöllun er auðvitað slík vitleysa að það nær engri átt. Annars vegar er verið að bera á þá sakir um að metgræða eða að þeir séu á leiðinni á hausinn.

[Vilhelmina af Ugglas, 31.3.2008 kl. 05:38]

Jú Stefán, en eftir stendur að fólk hér er hrætt um peningana sína og það er eins og engin vilji stíga á stokk og lýsa því yfir að íslenska ríkið muni tryggja sparifjáreigendur. Ef þetta heldur áfram svona þá mun fólk fljótlega byrja að taka út peninga í paník og þá er fjandinn laus. Ég er ennþá óróleg yfir að það ráð sem ég gaf vinkonu minni um að láta peningana vera áfram á vöxtum hjá Kaupthing Bank sé byggt á sandi?